नेपाल पत्रकार महासंघ काठमाडौं जिल्ला शाखाले सञ्चार क्षेत्रको संरक्षण, विकास तथा पत्रकारको हकहितका लागि “मिडिया बचाउ अभियान” सञ्चालन गर्दै काठमाडौं जिल्ला अध्यक्ष शाेभा अर्यालकाे नेतृत्वमा महानगर सहित ११ वटै स्थानीय तहमा सात बुँदे मागसहित ध्यानाकर्षण पत्र बुझाएको छ।यी हुन् काठमाडौं शाखाले स्थानीय सरकारहरूसँग राखेका सात बुँदे मागहरू :
१. देशकै धेरै स्वरोजगारमूलक मिडिया आबद्ध शाखाका रुपमा यस्ता मिडियाको संरक्षण र विकासका लागि विशेष नीति तथा योजना ल्याउन।
२.मिडिया विकासका लागि लोककल्याणकारी विज्ञापन र फेलोसिपको व्यवस्था गर्न।
३.साप्ताहिक, पाक्षिक, मासिक तथा मध्यम आकारका छापा माध्यमहरूको ऐतिहासिक भूमिकालाई कदर गर्दै संरक्षण र प्रबर्द्धनका लागि विशेष योजना ल्याउन र न्यु मिडियाको पनि संरक्षण र विकासको पहल गर्न।
४. पत्रकारहरुको सिप तथा क्षमता अभिवृद्धिका लागि तालिम, गोष्ठी र सेमिनार सञ्चालन गर्न वार्षिक कम्तीमा १० लाख रुपैयाँ बजेटको व्यवस्था गर्न।
५. लोककल्याणकारी विज्ञापन तथा सूचना–सन्देशको वितरण समावेशी बनाउँदै विभिन्न भाषाभाषी, महिला, दलित, आदिवासी तथा जनजाति समुदायका प्रकाशक तथा सम्पादक रहेका मिडियालाई प्राथमिकता दिन।
६. स्थानीय तहबाट निर्माण हुने मिडिया नीति तथा कानुन मिडियामैत्री र संविधानको भावना अनुरूप बनाउन।
७. स्थानीय तहका कार्यक्रमहरूमा नेपाल पत्रकार महासंघ काठमाडौं जिल्ला शाखासँग सहकार्य गर्ने ।
