बानाको अध्यक्ष पदमा काेशिश भण्डारीले उम्मेदवारी दिएका छन।उनले फेब्रुअरी १ ,२०२५ मै आफ्नो उम्मेदवारी सामाजिक संजाल मार्फत घोषणा गरेका हुन् ।
उनले समूहमै उठने तयारी गरि रहेका छन् । अझ पनि बाना निर्वाचन समितिले उम्मेदवारी मनोनयन खुला गरेको छैन तर अर्को हप्ता सम्म मनोनयन खुला गर्ने छ ।
भण्डारीले बानामा ३ बर्षको कार्यकाल हुने उक्त निर्वाचनमा तीनै बर्षमा आफ्नो कार्यसूची (एजेन्डा ) तयार गरेको देखिन्छ । यस अर्थमा उनि निकै तयारीको सहित मैदानमा उत्रिने देखिएको छ । पहिलो बर्षमा के के गर्ने ,दोश्रो बर्षमा के के गर्ने र तेश्रो बर्ष के के गर्ने समेत प्रचार प्रसार समेत गरेका छन् ।
अमेरिकामा गैर आवासीय नेपाली संघ अमेरिकाको सदस्यता संख्या पछि अन्य ५० वटै राज्यहरुमा स्थापना भएका नेपाली संघ/संस्था मध्ये ५ हजार सदस्यहरु हुने सबै भन्दा ठूलो संस्था बनेको छ । अझ बानाको आकर्षण बढेको छ । बाना मेरिल्याण्ड राज्यकै छाता संगठन हो ।
अध्यक्षका उम्मेदवार भण्डारीले अद्वितीय रुपमा बानामा सदस्यता मार्फत आवद्ध हुने सबैलाई धन्यवाद ज्ञापन गरेका छन् ।
उनले सामाजिक संजाल मार्फत यो संस्थालाई अझै व्यापक,गतिशील, गोलवद्ध र एकतावद्ध गर्दे अगाडि वढाउन आफूले आफनो व्यावसायिक ,पारिवारिक जीवनलाई कुशलता पूर्वक अगाडि वढाईरहेको अवस्थामा समुदायका प्रबुद्ध वर्गहरुको समेत आग्रह र अनुरोधमा सामाजिक कार्यमा सक्रिय रहनको लागि यस संस्थाको नेतृत्व गर्ने प्रयास स्वरुप अध्यक्ष पदमा उम्मेदवारी दिएकाे बताएका छन् ।
उनले समुदायको लागि मजवुत, सशक्त र भविष्य लक्षित कार्ययोजनाका साथ आफू होमिएको पनि बताएका छन । उनले आफ्ना कार्ययोजनाहरु समुदायसँग पुर्याउन वेबसाइट समेत खोलेको बताएका छन।
उनले अध्यक्ष पदको उम्मेदवारको रूपमा आफ्नो उम्मेदवारीको घोषणा गर्दा अत्यन्तै गर्व र उत्साहको अनुभव गरेको बताउदै सबैको माया ,सहयोग र साथ पाउने अपेक्षा समेत गरेका छन् ।
शिक्षाखबर डटकम परिवारको तर्फबाट बानाका अध्यक्षमा उहाँलाई अग्रिम बधाई तथा शुभकामना छ।
